Real Madridi do të detyrohet sërish të luajë në play-off, ashtu si sezonin e kaluar kur arriti ta eliminojë Manchester Cityn.

Këtë herë, shorti i së premtes do t’i rezervojë një përballje me Benficën, me ndeshje vajtje-ardhje, ose me Bodø/Glimt nga Norvegjia, skuadër që befasoi duke mposhtur Atletico Madridin në “Metropolitano” me rezultat 1-2.

Për këto ndeshje, Real Madridi tashmë ka dy mungesa të sigurta: Asencio dhe Rodrygo.

Asencio u ndëshkua me dy kartonë të verdhë – fillimisht për shtyrjen e një kundërshtari pas penalltisë në favor të Benficës dhe më pas për një faull në minutat e fundit.

Situata e Rodrygos ishte edhe më e rëndë, pasi pak para golit të katërt të Benficës humbi kontrollin dhe u ndëshkua me dy kartonë të verdhë radhazi, duke u përjashtuar me karton të kuq.

Përveç këtyre mungesave, tre lojtarë janë në rrezik pezullimi për ndeshjen e kthimit, nëse ndëshkohen me karton të verdhë në takimin e parë. Bëhet fjalë për Huijsen, Tchouaméni dhe Bellingham.

Mungesa e Asencios është veçanërisht shqetësuese, duke pasur parasysh problemet e Realit në mbrojtje.

Militao është jashtë për një kohë të gjatë, ndërsa trajneri shpreson ta rikuperojë Rüdigerin për ndeshjen e parë të play-off-it, që pritet të zhvillohet më 17 ose 18 shkurt, ndërsa ndeshja e kthimit më 24 ose 25 shkurt.

Madje, mbrojtësi gjerman mund të përfshihet në listë që për ndeshjen ndaj Rayo Vallecanos, ose të paktën të jetë gati për përballjen e radhës në La Liga kundër Valencias në Mestalla, më 8 shkurt./Arbresh.info